Полацк - старэйшы горад Беларусі з багатай культурнай спадчынай. Мэтанакіраваная праца Праекта па прыцягненні ўвагі да мастацтва графікі і дзейнасці нашага вялікага земляка Францыска Скарыны, які прынёс славу краіне і нашаму гораду, вызначае шлях у будучыню з памяццю пра мінулае, пра сваю малую радзіму. У век інфармацыйных тэхналогій, з магчымасцю бясконцага тыражавання, а таксама ў сілу таго, што унікальныя гравюры з кніг Ф. Скарыны не зьяўляюцца даступнымі і пазнаёміцца з гравюрнай спадчынай майстра праблематычна. Праект "Пад знакам Скарыны" прадастаўляе магчымасць усім не толькі дэталёва пазнаёміцца з ім, даведаўшыся пра змест сюжэтаў, але і дакрануцца да рукатворных твораў мастацтва, атрымаць неабходныя веды ў галіне практычнага майстэрства і, вядома ж, адчуць радасць ад уласнай творчасці.
Год графічнага майстэрства адкрыўся выставай маладога мастака-графіка, лаўрэата конкурсу візуальных мастацкіх спецыяльнасцяў, стыпендыята ў падтрымку творчай моладзі, аспіранта кафедры тэорыі і гісторыі мастацтва БДАУ Марыі Дарожка.
Марыя ўпершыню прадстаўляе сваю выставу полацкім гледачам і таму экспазіцыя яе выставы склалася з буйнамаштабных лінагравюрных эстампаў і кранальна далікатных па каларыту, невялікага фармату, акварэляў. Тэматычна вельмі суцэльная экспазіцыя змяшчае ў сабе панарамныя віды гарадоў Беларусі, а акварэлі фрагментамі ствараюць каларыстычны настрой чорна - белы адбітак. Дынамічныя кампазіцыі лінагравюры Марыі напоўнены пробліскамі сонечных прамянёў, туманнай воблачнасцю і дажджлівымі матывамі. У іх прачытваюцца эмоцыі, якія мастачка спяшыць адлюстраваць лёгка нібы выканаць імгненны накід, чаму глядач не адразу заўважае наколькі працаёмкі працэс папярэднічае стварэнню кожнай гравюры.
Марыя правяла майстар-клас па стварэнні каляровага друку ў гравёрной майстэрні галерэі. Вядома ж матывам выступіў знакаміты полацкі Сафійскі сабор. Падрыхтаваныя зараней лінагравюрные дошкі для каляровага друку Марыя пакінула ў Полацку, у майстэрні Мастацкай галерэі і зараз кожны жадаючы можа паспрабаваць надрукаваць свой каляровы варыянт гравюры. Сустрэча з маладым майстрам, з Марыяй Дарожка, паслужыла натхненнем для рэалізацыі запланаваных будучых мерапрыемстваў, звязаных з мастацтвам графікі.
