Выстава, якая праходзіла ў Мастацкай галерэі была прысвечана 140 годдзю з дня нараджэння Казіміра Малевіча і 115 годдзю з дня нараджэння Марка Роткі. Канцэпцыя праекта складалася ў даніны павагі мастакам, чыё жыццё і творчасць звязаны з гарадамі на Дзвіне - Віцебскам, Полацкам, Даўгаўпілсам. Экспазіцыю выставы прадставілі жывапісныя работы сучасных беларускіх мастакоў Аляксея Краўчанка, Васіля Касцючэнкі, Аляксандра Канавалава, Мацвея Басава, Мікалая Бушчыка, Рыгора Іванова. Іх жыццё і творчасць таксама звязаныя з гэтымі гарадамі - хтосьці тут нарадзіўся, хтосьці жыў, хтосьці тут тварыў, а для кагосьці тэма святла стала асновай творчасці.
