«Мастаку дадзена чуласць сейсмографа, ён, той, хто адчувае чалавечую драму» - так аднойчы сказаў вядомы нямецкі мастак Гюнтэр Юккер. Яго словы кажуць пра значнасць творчай думкі, якая імкнецца спазнаць самога сябе.
У залах Мастацкай галерэі Нацыянальнага Полацкага гісторыка-культурнага музея-запаведніка ўжо некалькі дзесяцігоддзяў праходзяць выставы мастацтва, якія звернутыя да маральнай інстанцыі мастака і гледача. Гэта паняційнае яднанне мастака і гледача, апярэджвае новыя гарызонты, заключаецца ў саўдзеле, у ідэі.
Прапануем віртуальнае наведванне такой выставы для тых, хто па нейкіх прычынах не мае магчымасці наведаць яе ў нашых залах. Выстава двух мастакоў Паўла і Уладзіміра Кандрусевічэй пад назвай «Фігура» адкрыта ў Полацку і будзе працаваць да першых дзён чэрвеня. Дадзеная выстава кажа пра тое, што твор мастацтва - гэта нашмат больш, чым проста ілюзія.
На выставе прадстаўлены работы мастакоў, для якіх філасофія творчасці заключаецца ў стварэнні віртуальнай рэальнасці, якая злучае час і вобразы. Размова аб перажытых чалавекам эмоцыях ў працах Паўла заключаецца ў сакрамэнце прыродных ландшафтаў і праўдзе легенд, якія перадаюцца з пакалення ў пакаленне. Ён выкарыстоўвае простыя і зразумелыя сюжэты, у цэнтры якіх знаходзіцца чалавек, таму як тэма маральнасці ў кантэксце сусветнай культуры найбольш актуальная для ўсіх, хто жыве.
У работах Уладзіміра мастацтва становіцца адначасова ілюзіяй і рэальнасцю. Вобразы людзей у яго кампазіцыях мяркуюць мноства розных тлумачэнняў, і глядач павінен знайсці свае ўласныя. Мастак праз цела чалавека і яго паглыбленне ў маўклівы эратызм стварае ўласную рэальнасць і дапамагае гледачу прыйсці да высноваў аб неабходнасці пошуку праўдзівасці існавання чалавека, адкрыць сябе як часціцу ў прыроднай гармоніі вечнасці.
Наша віртуальнае наведванне выставы будзе пастаянна абнаўляцца.
