«Гарады свету». Выстаўка жывапісу Аляксея Навумава і Крыстапса Зарыньша
Пачатак: 08.01.2016
Заканчэнне: 14.02.2016
Выстаўка жывапісу Аляксея Навумава і Крыстапса Зарыньша была адкрыта ў рамках праекта Латвійскай Акадэміі мастацтваў, падтрыманая Міністэрствам замежных спраў Латвіі і Еўрапейскім Звязам. Арганізатарам дадзенай выстаўкі ў Полацку выступіў кіраўнік консульства Латвійскай Рэспублікі ў горадзе Віцебску – консул Угіс Скуя. Курыраваў выстаўку беларускі мастацтвазнаўца Міхаіл Цыбульскі.
Міжнародны праект пад назвай «Гарады свету» вандруе па розным краінам на працягу 5 год. Мастакі пішуць гарадскія краявіды і славутасці тых краін, у якіх бываюць. Кожная чарговая іх выстаўка дапаўняюцца маляўнічымі палотнамі з відамі новых гарадоў. У Полацку мастакі працавалі на пленэры пры - 20 °C марозе і захавалі на сваіх палотнах жамчужыну і гонар Полацка – велічны Сафійскі сабор.
«ТЭАТРАЛІЯ». Выстаўка польскага мастака і дзеяча культуры Анджэя Струмілы
Пачатак: 08.04.2016
Заканчэнне: 08.05.2016
Выстаўка сцэнаграфіі А.Струмілы была падрыхтавана Польскім інстытутам у Мінску і Падляскім музеям у Беластоку. Яна з’явілася дэманстрацыяй не проста сцэнічнага мастацтва А. Струмілы, а паказам яго самастойнай аўтарскай творчасці. Дырэктар Падляскага музея Анджэй Ляхоўскі ахарактарызаваў выстаўку словамі: Тэатраліі. Так Анджэй Струміла акрэслівае сваю творчасць, звязаную са сцэнічным мастацтвам. Гэта не проста сцэнаграфія, што звычайна з’яўляецца бытавым элементам, падпарадкаваным бачанню рэжысёра. У выкананні Струмілы яна выходзіць за традыцыйныя схемы. Яна з’яўляецца самастойным творам. Такім, што можа існаваць, калі спектакль, на якім ён працаваў, ужо сышоў з тэатральнай ці опернай сцэны. Гэта моц таленту, ведаў і ўражлівасці Анджэя Струмілы. Выстаўка адбылася ў межах міждзяржаўнага супрацоўніцтва.
«Колер і вобраз». Жывапіс Аляксандра Давіда і Уладзіміра Бачу са збору Пушкінскага Запаведніка
Пачатак: 07.05.2016
Заканчэнне: 07.07.2016
У межах шматгадовага супрацоўніцтва Нацыянальнага Полацкага гісторыка-культурнага музея-запаведніка і Пушкінскага музея-запаведніка прайшла выстаўка пейзажу А. Давіда і У. Бачу са збору Пушкінскага Запаведніка. На адкрыцці выстаўкі начальнік аддзела экспазіцыйнай і выставачнай дзейнасці Аляксандр Іваноў і галоўны захавальнік музейных прадметаў Дар’я Плотнікава прадставілі ўвазе наведвальнікаў выстаўку і распавялі аб тых калекцыях, якімі валодае Пушкінскі Запаведнік. Пад гукі флейты, у выкананні Елізаветы Кавалеўскай, наведвальнікі выстаўкі смаглі атрымать асалоду ад краявідаў пушкінскіх мясцін, сельскіх прастораў, відаў сядзіб.
«Лікі ўлады». Выстаўкаа са збору Наўгародскага музея-запаведніка
Пачатак: 03.09.2016
Заканчэнне: 20.10.2016
Працягваецца творчае супрацоўніцтва Нацыянальнага Полацкага гісторыка-культурнага музея-запаведніка і Наўгародскага аб’яднанага музея-запаведніка. У межах праекта «Адзіная культурная прастора», музеі-запаведнікі прадставілі выстаўку «Лікі ўлады», якая ўмоўна складалася з двух блокаў, адзін з якіх прадставіў так званую «Раманоўскую сюіту» - рэтраспектыўную серыю партрэтаў кіраўнікоў дынастыі Раманавых, выкананую ў 1817 г. у Францыі па арыгіналам французкага мастака-мініяцюрыста Ж.-А. Бенэра. Другая частка выстаўкі складалася з гістарычных карцін знакамітага рускага жывапісца Нікалая Нікалаевіча Ге, напісаных у другой палове XIX стагодзя. Знаёмства з музейнымі калекцыямі выклікае вялікую цікаўнасць у наведвальнікаў.
«Полацк у творах сучасных мастакоў». Пленэр жывапісу
Пачатак: 29.05.2016
Заканчэнне: 03.07.2016
Полацк мае багатыя культурныя традыцыі і велізарны досвед у стварэнні культурнай прасторы, аб чым сведчыць дзейнасць музеяў Нацыянальнага Полацкага гісторыка-культурнага музея-запаведніка. Паміж музеямі-запаведнікамі Полацка і Ноўгарада склаліся сяброўскія і творчыя ўзаемаадносіны на аснове шматгадовай працы ў галіне музейнай справы.
У 2016 годзе супрацоўніцтва паміж музеямі-запаведнікамі выйшла на новую форму музейнай працы – правядзенне сумеснага жывапіснага пленэру, які паклаў пачатак фарміраванню калекцыі «Полацк у творах сучасных мастакоў».
У пленэры прынялі ўдзел мастакі з Ноўгарада і гарадоў Беларусі. Пленэр жывапісу завяршыўся 3 чэрвеня адкрыццём аднайменнай выставы у залах Мастацкай галерэі НПГКМЗ. Мастакі атрымалі масу станоўчых эмоцый ад знаходжання ў Полацку. Для самых маленькіх жыхароў горада мастакі правялі майстар-клас па працы з фарбамі на пленэры. А на адкрыцці выставы прэзентавалі жыхарам горада вынік шматдзённай працы на пленэры. Па заканчэнні працы выставы, яе экспазіцыя была паказана ў Ноўгарадзе, у будынку Прысутныя месцаў Наўгародскага музея-запаведніка.
Давід Якерсон. Віцебская мастацкая школа. Выстаўка са збору Віцебскага абластнога краязнаўчага музея
Пачатак: 29.04.2016
Заканчэнне: 29.05.2016
Віцебскі абласны краязнаўчы музей захоўвае вялікую колькасць творчых прац мастака Давіда Аронавіча Якерсона: скульптуру, дробную пластыку, графічныя лісты і фотадакументы. Жыццё і творчасць Д. Якерсона звязана з Віцебскам – горадам, які выгадаваў вялікую колькасць выдатных мастакоў. У Мастацкай галерэі былі прадстаўлены выбраныя творы гэтай унікальнай калекцыі. Графічныя работы і скульптуры былі выкананы ў няпростыя 1918-20-я гады. Дадзены перыяд часу складае цэлую эпоху ў гісторыі культуры і творы Д. Якерсона ілюструюць культурнае жыццё нашай краіны ў гэтыя часы, знамянальныя творчымі пошукамі і эксперыментамі.
«Маляваныя дываны». Выстаўка з фондаў музея-запаведніка «Заслаўе»
Пачатак: 17.06.2016
Заканчэнне: 30.08.2016
«Маляваныя дываны» - унікальная з'ява ў беларускім народным мастацтве. Музей-запаведнік «Заслаўе» валодае даволі поўнай, адзінай у Беларусі калекцыяй гэтых прадметаў. Маляваныя дываны мастакоў-самавукаў, створаныя для ўпрыгожвання жылых дамоў, праз дзесяцігоддзі сталі сапраўднымі шэдэўрамі народнага мастацтва і гонарам музейных сходаў.
Выстаўкаа, якая прайшла ў Полацку, пазнаёміла наведвальнікаў з гэтым рэдкім відам творчасці і з яркімі імёнамі, якія сёння ведае ўвесь свет. Імя Алены Кіш, якая напісала ў 1930-40 гады свае вядомыя «дываны», занесена ў Сусветную энцыклапедыю інсітнага мастацтва, а адным з першых беларускіх мастакоў, хто звярнуўся да гэтага віду творчасці быў Язэп Драздовіч. Музейныя калекцыі раскрываюць таямніцы творчасці і самасвядомасць свайго народа.
«Калекцыя работ Народных мастакоў Беларусі» са збору галерэі «Дом карцін»
Пачатак: 26.08.2016
Заканчэнне: 25.09.2016
У Мастацкай галерэі прайшла выстаўкаа карцін майстроў, якія ўдастоіліся ганаровага звання Народнага мастака Беларусі са збору галерэі «Дом карцін». У нашай краіне такое званне прысвоена 31 мастаку, творы якіх з'яўляюцца сапраўднымі скарбамі айчыннага мастацтва. На выстаўке можна было ўбачыць работы такіх вядомых майстроў жывапісу як: В. К. Бялыніцкага-Бірулі, Г. Х. Вашчанка, В. В. Волкава, А. М. Кішчанка, Г. Г. Паплаўскага, В. К. Цвіркі і іншых. Правядзенне выстаўкі стала магчымым дзякуючы супрацоўніцтву з галерэяй «Дом карцін» (Мінск), якая падала працы з свайго унікальнага сходу.
«Таямніцы мастацкіх калекцый». Выстаўка твораў са збору Нацыянальнага Полацкага гісторыка-культурнага музея-запаведніка
Пачатак: 19.02.2016
Заканчэнне: 10.04.2016
Выстаўка, прымеркаваная да 35-годдзя з дня адкрыцця Карціннай галерэі ў Полацку, была падрыхтавана з мэтай, прадэманстраваць прадметы, якія знаходзяцца ў музейным зборы Нацыянальнага Полацкага гісторыка-культурнага музея-запаведніка і якія маюць мастацкую каштоўнасць, але не прадстаўленыя ў пастаяннай экспазіцыі галерэі. З мэтай распавесці пра гісторыю іх паходжання і значнасці ў той ці іншай вобласці. Экспазіцыя была заклікана пазнаёміць наведвальнікаў з працай музейшчыкаў па камплектаванню, захоўванню і вывучэнню твора, які паступіў у музей, а таксама з адным з найважнейшых напрамкаў дзейнасці музеяў – рэстаўрацыяй і кансервацыяй музейных прадметаў.
У міжнародны Дзень музеяў у Мастацкай галерэі адбылася прэзентацыя працы Івана Фаміча Хруцкага «Партрэт А. Міцкевіча»
Пачатак: 18.05.2016
18 траўня, у міжнародны Дзень музеяў, у Мастацкай галерэе, пасля праведзеных шматгадовых навуковых даследаванняў, упершыню гледачам была прадстаўлена карціна вядомага беларускага жывапісца І.Ф.Хруцкага "Партрэт А. Міцкевіча" са збору Нацыянальнага Полацкага гісторыка-культурнага музея-запаведніка, якая сёння знайшла сваё месца ў пастаяннай экспазіцыі галерэі.
На выстаўке адной карціны гледачам была прадастаўлена магчымасць пазнаёміцца з архіўнымі матералами, дакументамі, фотаздымкамі, а таксама з працэсам атрыбуцыі жывапіснага партрэта і вынікамі матэрыялазнаўчай экспертызы, зробленымі ў Інстытуце фізікі ім. Б. І. Сцяпанава НАН Беларусі.
«Будзе час – захадзі…». Выстаўка графікі Сяргея Балянка
Пачатак: 22.01.2016
Заканчэнне: 19.02.2016
Сяргей Балянок — адзін з самых вядомых беларускіх графікаў ХХ стагоддзя, мастак-ілюстратар мноства кніг - «Калыска для коткі» Курта Вонегута, зборніка фантастыкі «Прадаецца планета», некалькіх зборнікаў паэзіі Іосіфа Бродскага.
Выстаўка графічных лістоў С. Балянка – гэта заўсёды сустрэча з аўтарскай «нетыповай» творчасцю мастака, якая з'яўляецца невычэрпнай крыніцай адчуванняў, асацыяцый, эмоцый і думак, так неабходных для таго, каб задумацца, альбо «перагледзець», сваё бачанне чалавечых узаемаадносін.
Персанальная выстаўка акварэляў Віктара Міхайлавіча Лук’янава
Пачатак: 04.03.2016
Заканчэнне: 01.04.2016
Персанальная выстаўка Віктара Міхайлавіча дазволіла знатакам акварэльнага майстэрства яшчэ раз сустрэцца з творчасцю мастака-акварэліста, з чалавекам, які з 1970-х гадоў жыве ў г. Наваполацку і вялікую частку сваёй працоўнай дзейнасці займаў пасаду галоўнага мастака. У той час у горадзе мастакі і архітэктары працавалі разам.
Віктар Міхайлавіч шмат працаваў над афармленнем грамадскіх будынкаў. Ім і яго калегамі выкананы вітражы ў паліклініцы № 1, пано ў кінатэатры «Мінск», мазаікі на фасадах дзіцячых садоў і шмат іншага. У 1998 годзе Віктару Міхайлавічу было прысвоена званне Ганаровага грамадзяніна горада Наваполацка. Праз дзесяцігоддзі, Віктар Міхайлавіч па-ранейшаму жыве і творыць у горадзе, якому ён прысвяціў сваю творчую біяграфію. Вядомасць мастака перасекла мноства межаў. На выстаўке былі прадстаўлены працы мастака розных гадоў.
Выстаўка жывапісу Мікалая Бушчыка
Пачатак: 21.05.2016
Заканчэнне: 23.06.2016
Мікалай Бушчык з'яўляецца вядомым беларускім мастаком, які сумясціў ў сваёй творчасці традыцыі колерапластычнага жывапісу з аўтарскім бачаннем. У Мастацкай галерэі адбылася
выстаўка яго маяўнічых прац, якія прадстаўляюць шуканні мастака за апошнія 20 гадоў. Мастак быў адным з заснавальнікаў творчай групы «Букуб» (А. Кузняцоў, М.Бушчык, М. Барздыка) і удзельнікам творчага аб'яднання «Няміга 17». Сустрэча з мастаком і яго творчасцю для полацкіх гледачоў з'явілася не толькі момантам зносін з жыццесцвярджальнай жывапісам аўтара, але і пазнавальным момантаў у разуменні гісторыі станаўлення беларускай мастацкай асяроддзя 1980-х.
«Медытацыі». Выстаўка графікі Марыны Круглікавай
Пачатак: 08.07.2016
Заканчэнне: 08.08.2016
Выстаўка графічных прац наваполацкай мастачкі Марыны Круглікавай «Медытацыі» пазнаёміла гледачоў з яе новай серыяй арабесак на тэмы стылізаваных раслінных матываў, якія таяць ў сабе медытатыўнае спасціжэнне прасторы, ладу, знака. У яе графічных лістах рытмічная гульня формаў і ліній, дэкаратыўнасць арнаменту арабескі выступаюць выразам ўмоўнасці адлюстраванага свету, прадчування бясконцасці.
«Урокі прыродазнаўства». Выстаўка жывапісу Барыса Сямілетава
Пачатак: 22.07.2016
Заканчэнне: 22.08.2016
Упершыню полацкім гледачам было прадстаўлена творчасць мінскага мастака Барыса Сямілетава. На выстаўке мастак прадставіў больш за 40 жывапісных прац, выкананых ім у перыяд з 1990-х гг. па сённяшні дзень. Падабраная экспазіцыя, паказала трансфармацыю задач мастака ад варыяцый на тэму пазнання асобы праз зварот да біблейскіх сюжэтаў да знаёмага свету навакольнага асяроддзя з яе эмацыйнай сферай.
Юбілейная выстаўка жывапісу Аляксандра Аляксандравіча Салаўёва
Пачатак: 18.10.2016
Заканчэнне: 22.11.2016
Юбілейная выстаўка жывапісу Аляксандра Аляксандравіча Салаўёва змясціла ў сябе працы з музейных калекцый Віцебска і Полацка, а таксама серыю карцін з майстэрні мастака. Аляксандру Аляксандравічу споўнілася 90 гадоў. Ён заслужаны дзеяч мастацтваў, ветэран Вялікай айчыннай вайны, узнагароджаны Ордэнам Скарыны, 30 гадоў працаваў мастаком-пастаноўшчыкам у віцебскім акадэмічным тэатры імя Якуба Коласа. Яго творчасць стала неад'емнай часткай культуры Віцебска, Беларусі другой паловы ХХ стагоддзя. Ператварыўшы сваю творчасць у люстэрка падсвядомасці, мастак здолеў стварыць мастацтва, ўражлівае сваёй глыбінёй, мастацтва, напоўненае яго жыццёвым вопытам, сваім бачаннем свету, споведдзю.
«Квітнеючыя сусветы» Марыі Ісаёнак. Выстаўка жывапісу
Пачатак: 29.10.2016
Заканчэнне: 25.11.2016
Выстаўка М. Ісаёнак парадавала палачан прыгажосцю і эмацыянальнасцю квітнеючай свету. Мастачка працуе ва ўсіх жанрах, апавядаючы аб бясконцай гармоніі чалавека і той навакольнай рэчаіснасці, што надае яму смагу жыцця і набыцця сэнсу.
«Краявід». Персанальная выстаўка гуашы і малюнка Леаніда Мядзведскага
Пачатак: 23.11.2016
Заканчэнне: 30.12.2016
Да юбілейнай выстаўкі, да свайго 60-годдзя, мастак падрыхтаваў серыю пейзажаў, выкананых ім у малюнку і гуашы, якая з'яўляецца яго улюбёнай тэхнікай. Як кажа сам аўтар: «Мой асноўны матэрыял – гуаш, пішу я звычайна з натуры, а фарбы дапамагаюць удыхнуць жыццё ў працу, яшчэ больш узмацніць пачуцці, якія я адчуваю пры напісанні карціны». На выстаўке мастак прадставіў 40 пейзажаў, якія дапамаглі наведвальнікам дакрануцца да творчага свету мастака, паразважаць над знаёмым і ў той жа час мудрагелістым светам прыроды.
«Асабісты Чарнобыль». Мультымедыйны праект П. Вайніцкага
Пачатак: 02.12.2016
Заканчэнне: 08.01.2017
У Мастацкай галерэі Павел Вайніцкі прадставіў мультымедыйны праект «Асабісты Чарнобыль». Мастак кажа пра яго так: «Выстава ўяўляе з сябе асобасную мастакоўскую рэфлексію аб гістарычным бедстве, сведкай і міжвольным удзельнікам якога я ёсць – і якая ёсць неад'емная частка мяне. Чарнобыль – персаніфікаваны пераломны момант, мой, асабісты, які ўплывае на тое, што здарылася са мной тады і адбываецца цяпер». Дапамагалі яму ў арганізацыі музычнага і гукавога дызайну В. Рагавая і Е. Рагозін.
Мастацкі праект «ШЭДЭЎР» ЗА ГАДЗІНУ
Пачатак: 01.10.2016
Заканчэнне: 30.12.2017
На працягу трох месяцаў аматары мастацтва тварылі свае шэдэўры непасрэдна ў сценах галерэі. Сутнасць мастацкага праекта заключалася ў тым, што кожны жадаючы мог прыйсці ў галерэю і ўласнаручна стварыць копію з любога з упадабаных экспанатаў музейнай экспазіцыі. Галоўнай мэтай, якую праследвалі музейшчыкі, было жаданне прапанаваць людзям праявіць свае мастацкія здольнасці, пазнаёміцца з лепшымі ўзорамі беларускай жывапісу, паспрабаваць зразумець і вывучыць яе. Стварэнне копіі - не механічнае змалёвыванне. Каб атрымаўся годны вынік, трэба зразумець час стварэння карціны, каларыт, перадаць пачуцці мастака у момант стварэння твора. Па выніках праекта была адкрыта выстаўка напісаных копій.
«Сустрэчы ля раяля». Канцэрты у музычнай гасцінай Мастацкай галерэі
На працягу года ў музычнай гасцінай Мастацкай галерэі праходзілі канцэрты, падрыхтаваныя выкладчыкамі Наваполацкай музычнай школы. Арганізатар музычных праграм А. М. Сініцына і ўдзельнікі канцэртаў не толькі выконвалі творы найвялікшых кампазітараў, але і знаёмілі слухачоў з паходжаннем музычных інструментаў, дапамагалі акунуцца ў гісторыю музыкі.