Выстава сучасных ікон «Апакаліпсіс»

12.07.2017 10:00
12.08.2017 18:00

Выстава сучасных ікон “Апакаліпсіс” падрыхтавана па выніках працы Міжнародных майстар-класаў іканапісу ў г. Навіцы (Польшча) у 2016 г. і прадстаўлена ўвазе полацкіх гледачоў дзякуючы супрацоўніцтву Нацыянальнага Полацкага гісторыка-культурнага музея-запаведніка і Польскага інстытута ў Мінску.

Навіцы — горнае паселішча ў Малапольскім ваяводстве Польшчы, паблізу мяжы са Славакіяй. Міжнародныя семінары па іканапісу праходзяць тут з 2009 года па ініцыятыве арганізатара арт-праектаў Матэвуша Соры (Варшава) і загадчыка кафедры сакральнага мастацтва Львоўскай нацыянальнай акадэміі мастацтваў прафесара Рамана Васіліка. Падтрымку арганізатарам аказвае майстэрня Віктара Доўнара Ikonique (Мінск). Майстар-класы збіраюць удзельнікаў з Польшчы, Славакіі, Украіны, Беларусі.

Асноўнай адпраўной кропкай для ўдзельнікаў VIII міжнароднага іканапіснага пленэру ў Навіцы стала тэма Апакаліпсісу, разгорнутая ў тэкстах кнігі Адкрыццё св. Іаана. Больш за 30 мастакоў-іканапісцаў з Украіны, Беларусі і Польшчы імкнуліся ў сваёй творчасці дасягнуць няпростай мэты – дакрануцца да таямніцы і вышыні Боскага горняга свету, апусціцца ў змрочныя бездані Пекла і стаць відавочцамі перамогі дабра і праўды над злом.

Запрашаем наведаць выставу сучасных ікон, якая працуе ў Мастацкай галерэі па адрасе: вул. Стралецкая, 4А-4, г. Полацк.
Тэлефон для справак: 42-36-32


Выстава сучасных ікон «Апакаліпсіс». Полацк, Мастацкая галерэя, 2017
Выстава сучасных ікон «Апакаліпсіс». Полацк, Мастацкая галерэя, 2017
Выстава сучасных ікон «Апакаліпсіс». Полацк, Мастацкая галерэя, 2017
Выстава сучасных ікон «Апакаліпсіс». Полацк, Мастацкая галерэя, 2017